ain.az, Demokrat.az saytına istinadən bildirir.
Ətin və digər ərzaq məhsullarının bahalaşması son aylarda dönərin qiymətinə də təsir göstərir. Bir çox yerlərdə dönərin qiymətinin demək olar ki, hər ay bir qədər artdığı müşahidə olunur. Bu dəyişikliklər gündəlik olaraq dönər alan insanlar tərəfindən də hiss edilir.Demokrat.az xəbər verir ki, sahibkarların sözlərinə görə, dönərin qiymətinin artmasının əsas səbəbi ətin bahalaşmasıdır. Mal və toyuq ətinin qiyməti qalxdıqca, dönərin hazırlanması da daha baha başa gəlir. Dönərin əsas tərkibi ət olduğu üçün bu artım birbaşa satış qiymətinə təsir edir.Bundan başqa, dönərin içində istifadə olunan digər məhsulların da qiyməti artıb. Çörək və lavaş, tərəvəzlər, yağ və souslar əvvəlki illərlə müqayisədə daha baha satılır. Bu da ümumi xərclərin yüksəlməsinə səbəb olur.Dönərxanaların ödədiyi işıq, qaz, su və icarə haqları da az rol oynamır. Bu xərclər artdıqca, sahibkarlar qiymətləri sabit saxlamaqda çətinlik çəkirlər. Ona görə də bir çoxu qiyməti birdən-birə yox, yavaş-yavaş artırmağa üstünlük verir.Bəzi yerlərdə "İskəndər dönər"in ən az qramlı porsiyası 16 manatdan da baha qiymətə satılır.Ümumilikdə bazarda baş verən bahalaşma gündəlik qida məhsullarına da təsir edir. Dünya bazarlarında və ölkə daxilində qiymət dəyişiklikləri dönər kimi sürətli qidaların da qiymətində özünü göstərir.Uzun illər münasib qiyməti ilə tanınan dönər hazırda əvvəlki qədər ucuz deyil. Lakin mövcud şəraitdə bu bahalaşma ət və ərzaq bazarındakı ümumi vəziyyətlə əlaqələndirilir. Qiymətlərin necə dəyişəcəyi isə qarşıdakı dövrdə bazardakı vəziyyətdən asılı olacaq.İslam
Demokrat.az
Hadisənin gedişatını izləmək üçün ain.az saytında ən son yeniliklərə baxın.
