Tehran ABŞ-nin güzəştləri müqabilində 60%-lik səviyyəni 20%-ə endirməyə razıdır...
Poliqon xəbər verir ki, bunu İranın ali rəhbəri Əli Xameneyinin məsləhətçisi, admiral Əli Şamxani "Al Mayadeen" telekanalına verdiyi müsahibədə bildirib. Admiral qeyd edib ki, ölkəsi uran zənginləşdirmə səviyyəsini 60%-dən 20%-ə endirməyə hazırdır. Lakin bunun müqabilində ABŞ tərəfi konkret güzəştlərə getməlidir.
Şamxani vurğulayıb ki, İranın nüvə proqramı tamamilə sülhçü xarakter daşıyır və uranın 60%-ə qədər zənginləşdirilməsi iki əsas məqsədə xidmət edir: birincisi, İranın düşmənlərinin qurduğu qəsd-qərəzlərə qarşı müqavimət göstərmək; ikincisi isə danışıqlar və dialoq prosesinə hazırlıq yaratmaq. O, əlavə edib ki, bu addım İranın mövqeyini gücləndirmək və nüvə razılaşması çərçivəsində potensial güzəştlər üçün zəmin yaratmaq məqsədi daşıyır.
Bundan əlavə, İranın xarici işlər naziri Abbas Araqçi fevralın 1-də bəyan edib ki, Tehran və Vaşinqton qısa müddətdə ədalətli nüvə razılaşması əldə edə bilərlər. Araqçi qeyd edib ki, ABŞ-ın 2018-ci ildə Birgə Hərtərəfli Fəaliyyət Planından (JCPOA) çıxması İranı bu addımlara vadar edib, amma Tehran yenidən danışıqlara açıqdır, əgər sanksiyalar ləğv olunarsa və güzəştlər edilsə.
Bu bəyanatlar ABŞ Prezidenti Donald Trampın ikinci müddətində İranla münasibətlərin gərginləşməsi fonunda səslənir. Tehran iddia edir ki, nüvə proqramı enerji və tibbi məqsədlər üçün nəzərdə tutulub, lakin Qərb ölkələri, xüsusilə ABŞ və İsrail, bunu təhdid kimi qiymətləndirir. Nüvə danışıqlarının bərpası Vyanada keçirilən görüşlərlə bağlıdır, amma hələlik tərəflər arasında ciddi irəliləyiş yoxdur.
Poliqon.info
