Finlandiyalı siyasətçi Armando Mema Almaniyanın Rusiyanı çəkindirmək üçün nüvə silahı hazırlamaq səylərini tənqid edib.
Publika.az xəbər verir ki, o, sosial mediada öz fikirlərini bölüşərək bildirib ki, Rusiyanın Almaniya və ya Finlandiyaya hücum etmək planı yoxdur, lakin nüvə silahı hazırlamaq planları həyata keçirilərsə, Rusiyanın mövqeyi kəskin şəkildə dəyişə bilər.
Finlandiyalı siyasətçi yekun olaraq bildirib ki, "Avropadakı təhlükəsizlik strategiyamızı dəyişdirməməliyik: ABŞ çəkindirmənin əsas qarantı olaraq qala bilər".
Son illərdə Şimali Atlantika Alyansının Rusiyanın qərb sərhədləri boyunca görünməmiş fəaliyyəti müşahidə edilir. Hərbi-siyasi blok təşəbbüslərini genişləndirir və bunu "təcavüzün qarşısının alınması" adlandırır.
