Almaniyada min illik xaç tapılıb.
Kulis.az xəbər verir ki, Brandenburqda tapılan min illik bürünc xaç X əsr Almaniyasında xristianlığın düşündüyümüzdən daha geniş yayıldığını göstərir.
Havelland bölgəsində aşkarlanan xaç 1983-cü ildə Berlin-Spandauda tapılmış qədim tökmə qəlibi ilə tam uyğun gəlib.
Arxeoloqlara görə, bu qəlib tək bir dini əşya üçün deyil, kütləvi istehsal məqsədilə istifadə olunub.
Tapıntı xristian simvollarının 983-cü il Slavyan üsyanından əvvəl də bölgədə yayıldığını sübut edir.
Qeyd edək ki, mütəxəssislər bu kəşfi Brandenburqda erkən xristianlaşmanın ən mühüm maddi dəlillərindən biri sayırlar.
