İlon Mask amerikalı maliyyəçi Ceffri Epşteyn işi ilə bağlı materialların ictimailəşdirilməsində mühüm rol oynadığını bəyan edib.
NOCOMMENT.az xəbər verir ki, Mask bildirib ki, əvvəlcədən kəskin hücumlar və qarayaxma kampaniyaları ilə üzləşəcəyini bilirdi.
Onun sözlərinə görə, Epşteynin heç bir tədbirində iştirak etməyib, “Lolita Ekspress” adlanan təyyarəsi ilə uçmayıb, onun adası ilə heç bir əlaqəsi olmayıb və ümumiyyətlə, qeyri-qanuni hər hansı hərəkət etməyib.
“Bütün bunlara baxmayaraq, mənim əsl mahiyyətimə tam zidd bir insan kimi təqdim olunmağımın yaratdığı dözülməz ağrı buna dəyərdi”, — deyə Mask “X” sosial şəbəkəsində yazıb.
O, həmçinin media qurumları və siyasi opponentlər tərəfindən ciddi müqavimət olacağını da dərk etdiyini vurğulayıb. Maskın sözlərinə görə, güclü insanlar özlərini müdafiə edə bilməyənləri qorumağa borcludurlar.
Aliyə
