ain.az, Bakivaxti portalından verilən məlumatlara əsaslanaraq xəbər verir.
Yüzlərlə, hətta minlərlə ailə bəzi MTK-ların məsuliyyətsiz davranışları səbəbindən yarımçıq qalan mənzillərin əsiri vəziyyətinə düşüb və hazırkı qanunvericilik vətəndaşların hüquqlarını tam şəkildə qorumağa qadir deyil.
Bakıvaxtı.az xəbər verir ki, bu sözləri Milli Məclisin yaz sessiyasının ilk plenar iclasında deputat Razi Nurullayev söyləyib.
Deputatın sözlərinə görə, MTK-ların fəaliyyətinə bank zəmanəti və ya sığorta təminatının tətbiqi, vətəndaş vəsaitlərinin xüsusi nəzarətli depozit hesablarında saxlanılması, rəhbər şəxslərin şəxsi məsuliyyət daşıması, yüksək riskli şirkətlərin “qara siyahı”ya salınması və zərərçəkənlər üçün sürətli hüquqi mexanizmlərin yaradılması vacibdir.
Parlament üzvü əlavə edib ki, bu sahədə Mülki Məcəllə və Şəhərsalma və Tikinti Məcəlləsində kompleks dəyişikliklərin hazırlanıb qəbul olunması zəruridir.
Əli Hüseynov
Daha ətraflı məlumat və yeniliklər üçün ain.az saytını izləyin.
