“Nüvə elmi və radiasiya təhlükəsizliyi sahəsində monitorinq və nəzarət tədbirləri ardıcıl şəkildə həyata keçirilir”.
Bakıvaxtı.az xəbər verir ki, bunu İnnovasiya və Rəqəmsal İnkişaf Agentliyinin fəaliyyətinə dair illik mətbuat konfransında qurumun İdarə heyətinin sədri Fərid Osmanov deyib.
Onun sözlərinə görə, 2025-ci il ərzində radiasiya təhlükəsizliyi ilə bağlı ümumilikdə 94 obyekt üzrə tədqiqat aparılıb. Həmin obyektlərdən 75-i dövlət əhəmiyyətli obyektlər olub və onların təhlükəsizlik göstəriciləri müvafiq qaydada qiymətləndirilib.
Bildirilib ki, nüvə elmi, radiasiya təhlükəsizliyi, su ehtiyatlarının monitorinqi və yüksək texnologiyaların tətbiqi sahələrində ölkədaxili və beynəlxalq əməkdaşlıq çərçivəsində ardıcıl tədbirlər həyata keçirilib:
“Bu tədbirlər əhalinin təhlükəsizliyinin təmin olunmasına və strateji obyektlərdə risklərin minimuma endirilməsinə xidmət edir".
Zeynəb Rzayeva
