Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov Gənclər günü münasibəti ilə QHT.az-a açıqlamasında qeyd edib ki, müasir Azərbaycanda gənclər siyasətinin əsası ümummilli lider Heydər Əliyev tərəfindən qoyulub:
"Ancaq heç kimə sirr deyil ki, bu siyasətt Prezidetn İlham Əliyevin vaxtında ən yüksək zirvəsinə çatıb. Təsadüfi deyil ki Prezident 44 günlük müharibə dövründəki açıqlamalarında gənclərin rolunu yüksək qiymətləndirərək məhz onun dövründə yetişən gəncliyin müharibədə müstəsna rolunu dəyərləndirdi.
Onu da təəssüflə qeyd etməliyik ki, müxalifət adı altında bəzi gənclər xarici xüsusi xidmət orqanlarının təsiri altına düşərək Azərbaycanın dövlət maraqlarına zərər vurmaqla məşğul olurlar".
