“Qarabağ” Kiprin “AEK Larnaka” klubundan Ceremi Qnalini heyətinə qatmağa yaxındır.
QOL.az xəbər verir ki, bu barədə komandanın baş məşqçisi Qurban Qurbanov məlumat verib.Təcrübəli mütəxəssis oyunçunun Bakıya gəlməsini gözlədiklərini bildirib. O, həmçinin heyətdə limit problemi olduğunu və yeni transferlər üçün bəzi oyunçularla yolların ayrılmalı olduğunu vurğulayıb:
"Oyunçu ilə bağlı belə bir məsələ var, Bakıya gəlməlidir. Rəhbərliklə danışmalıyıq ki, danışıqlar hansı səviyyədə qalıb. Kadi və Ramil Şeydayevə gəldikdə isə, baxacağıq hansı xəttə oyunçu lazım olacaq. Bunu mütləq etməliyik. Hazırda boş yerimiz yoxdur. Yeni oyunçu gətirmək üçün hansısa oyunçunu çıxarmalıyıq, çünki limit var".
