Idman.biz saytından alınan məlumatlara görə, ain.az xəbər verir.
İngiltərənin “Lester” klubu sabiq baş məşqçisi Enzo Mareska ilə yenidən əlaqə saxlayıb. Klub rəhbərliyi italiyalı mütəxəssisin mövsümün sonuna qədər komandaya qayıtma ehtimalını nəzərdən keçirir.
İdman.Biz “Mirror” nəşrinə istinadən xəbər verir ki, hazırda “Lester”də baş məşqçi postunu müvəqqəti olaraq Endi Kinq tutur. Buna baxmayaraq, klub rəhbərliyi Mareskanın qısa müddətli əsasda komandaya rəhbərlik etməsini istəyir. Klub italiyalı çalışdırıcının “Mançester Siti” və “Tottenhem”in maraq dairəsində olduğunu nəzərə alaraq, ona uzunmüddətli müqavilə təklif etməyi planlaşdırmır.
45 yaşlı Enzo Mareska 2023–2024-cü illərdə “Lester”də çalışıb. Onun rəhbərliyi altında komanda Çempionşipi (İngiltərənin ikinci liqası) qazanaraq Premyer Liqaya vəsiqə əldə edib. Cari mövsümdə “Lester” yenidən Çempionşipdə çıxış edir və turnir cədvəlində 16-cı pillədə qərarlaşıb.
Qeyd edək ki, Enzo Mareska 2024–2026-cı illərdə “Çelsi”nin baş məşqçisi olub.
İdman.Biz
Hadisənin gedişatını izləmək üçün ain.az saytında ən son yeniliklərə baxın.
