“Səbail”də növbəti ayrılıq qeydə alınıb.
Sportinfo.az xəbər verir ki, I Liqada mübarizə aparan Bayıl təmsilçisi iki gənc futbolçusu - qapıçı Fəyyaz Mehdizadə və müdafiəçi Murad Fərzəliyev ilə vidalaşıb.
Müvafiq olaraq 20 və 19 yaşlı olan hər iki oyunçu klubun öz yetirməsidir.
Gənc futbolçular cari mövsümdə əsas komandanın heyətində debüt etmək imkanı qazanmayıblar.
“Səbail” I 12 turdan sonra 22 xalla turnir cədvəlinin üçüncü pilləsində yer alır. “Dənizçilər” lider “Şəfa”dan 9 xal geri qalır.
