Aİ diplomatik xidmətinin rəhbəri Kaya Kallas və Avropa Komissiyasının prezidenti Ursula fon der Lyeyen arasında hakimiyyət uğrunda mübarizə Aİ-nin dağılmasına səbəb ola bilər.
Bu təhlükə, xüsusilə Aİ-nin NATO və ABŞ ilə münasibətlərinin pisləşməsi fonunda daha da aktualdır.
Publika.az xəbər verir ki, bu barədə jurnalist Sonia van den Enden "Strategic Culture" jurnalında dərc olunmuş analitik məqaləsində bildirib.
"Diktator Ursula fon der Lyeyen ilə Rusiyanı açıq şəkildə tənqid edən Kaya Kallas arasındakı münasibətlər pisləşib. Aİ daxilində daxili düşmənlər peyda olub ki, bu da adətən ittifaqın mövcudluğunun sonuna yaxınlaşması deməkdir", - deyə məqalədə bildirilir.
Jurnalistin mənbələri Aİ rəhbərliyindəki iki siyasi fiqur arasındakı münasibətlərin hakimiyyət və təsir uğrunda mübarizədə getdikcə gərginləşdiyini bildiriblər. Aİ rəhbərliyi ilə NATO-nun baş katibi Mark Rutte arasındakı münasibətlərdə yaranan ziddiyyətlər vəziyyəti daha da mürəkkəbləşdirir. Məqalədə deyilir ki, Ruttenin fikirləri Aİ-də xüsusilə xoş qarşılanmır, halbuki o, ABŞ prezidenti Donald Trampa qarşı çox dostcasına davranır.
