Yaponiyada ibtidai, orta və lisey şagirdləri arasında intiharların sayı 2024-cü il səviyyəsini üç dəfə artıraraq 1980-ci ildə qeydə alınmağa başlanandan bəri rekord həddə çatıb. Bu barədə Nikkei Səhiyyə, Əmək və Rifah Nazirliyinin statistikasına istinadən məlumat verib.
İlkin məlumatlara görə, 2025-ci ildə 532 yapon məktəbli intihar edib. Ən çox yayılmış səbəblər aşağı akademik göstəricilər, karyera ilə bağlı narahatlıqlar və dostlarla münaqişələr (316 hal) olub. İkinci yerdə sağlamlıq problemləri (315 hal), üçüncü yerdə isə ailə çətinlikləri (181 hal) qərarlaşıb.
Nəşr qeyd edir ki, ötən il Yaponiya hakimiyyəti uşaq intiharı probleminin həllinə yönəlmiş tədbirlər hazırlayıb. Xüsusilə, buraya məktəb psixoloqlarının sayının artırılması və sosial media məsləhətləşmələrinin inkişaf etdirilməsi daxildir.
2024-cü ildə Yaponiyada 529 məktəbli intihar edib ki, bu da əvvəlki illə müqayisədə 16 artım deməkdir. Bunlardan 15-i ibtidai sinif şagirdi, 163-ü orta məktəb şagirdi və 351-i lisey şagirdi olub. 20 yaşdan kiçiklər arasında intiharın ən çox yayılmış amilləri də məktəb problemləri, ardınca sağlamlıq problemləri və ailə vəziyyəti olub.
2025-ci ildə bütün yaş qrupları üzrə intiharların ümumi sayı 19.097 olub, 2024-cü ildə isə bu rəqəm 20.320 olub.
Əziz Mustafa
