“Barselona”dan PSJ-yə keçən yarımmüdafiəçi Dro Fernandes Kataloniya klubunda aldığı oyun müddətindən narazı idi.
Publika.az xəbər verir ki, futbolçuya parislilərin baş məşqçisi Luis Enrike zəmanət verib və onu tez bir zamanda heyətə daxil edəcəyinə söz verib. “Mundo Deportivo” bildirir ki, bu, 18 yaşlı futbolçunu Fransa klubuna keçməyə inandıran əsas amillərdən biri olub.
Enrike yarımmüdafiəçini PSJ-nin oyun səviyyəsini yüksəltməsinə imkan verə biləcək keyfiyyətlərə malik əla istedad kimi görür və inanır ki, oyunçunun çox yönlü olması ona klubdakı rəqabətin öhdəsindən gəlməyə kömək etməlidir.
PSJ Fernandesin transferini 27 yanvarda elan etdi. Oyunçunun müqaviləsi 2030-cu ilə qədərdir.
