Bakı, 31 yanvar, AZƏRTAC
Hər 2 müəllimimizdən 1-i ADPU-nun öz yetirməsidir. Belə ki, Pedaqoji Universitetdə çalışan professor-müəllim heyətinin 49.2 faizi ADPU-nun öz məzunlarıdır.
Bu barədə AZƏRTAC-a universitetin ictimaiyyətlə əlaqələr və marketinq şöbəsinin müdiri Taleh Mirzəyev məlumat verib.
O bildirib ki, ümumilikdə universitetdə 775 nəfər professor-müəllim heyəti fəaliyyət göstərir. Bununla yanaşı, 104 nəfər isə universitetdə inzibati vəzifə daşımaqla yanaşı həm də pedaqoji fəaliyyətlə məşğul olur.
