Demokrat.az portalından əldə olunan məlumata əsasən, ain.az xəbər verir.
Son günlər xaricdən onlayn alış-veriş edən yüzlərlə azərbaycanlı sifarişlərinin ölkəyə çatmasına rəğmən həftələrlə gömrükdən buraxılmamasından şikayət edir.Demokrat.az xəbər verir ki, vətəndaşlar şəxsi istifadə üçün gətirilən bağlamaların hansı səbəbdən saxlanıldığı və bu prosesin nə vaxta qədər davam edəcəyi barədə rəsmi qurumlardan cavab tələb edirlər.Vətəndaşların sözlərinə görə nə gömrük orqanları, nə də daşıyıcı şirkətlər yaranmış gecikmələrə dair konkret müddət açıqlamır. Alıcılar iddia edirlər ki, bağlamaların şəxsən götürülməsinə belə icazə verilmir və bu vəziyyət xüsusilə son vaxtlar gündəmdə olan gömrük limitinin 300 dollardan 100 dollara endirilməsi müzakirələri fonunda daha çox narahatlıq doğurur. Dövlət Gömrük Komitəsinə (DGK) və Antiinhisar və İstehlak Bazarına Nəzarət Dövlət Agentliyinə edilən müraciətlərin cavabsız qaldığını deyən sakinlər, sosial şəbəkələrdəki şikayət rəylərinin də silindiyini bildirirlər.Məsələ ilə bağlı Dövlət Gömrük Komitəsindən verilən rəsmi açıqlamada gecikmələrin əsas səbəbi kimi bəyanetmə prosesindəki problemlər göstərilib: “Son dövrlərdə edilən elektron sifarişlərin sayının kəskin artmasına paralel olaraq, bir sıra hallarda düzgün və dəqiq bəyan edilməyən və ya bəyan edilməyən bağlamaların həcminin artdığı müşahidə olunur”. Qurum qeyd edib ki, hazırda bu uyğunsuzluqların aradan qaldırılması üçün işlər aparılır və bu yoxlamalar vaxtında bəyan edilmiş yüklərin də buraxılış sürətinə mənfi təsir edir.Komitə həmçinin bildirib ki, daşıyıcı operatorlarla mütəmadi məsləhətləşmələr aparılır və onlara bənzər hallara yol verməmələri tövsiyə olunur. Qurum rəsmiləri bu çətinliyin keçici olduğunu vurğulayaraq vətəndaşlardan anlayış xahiş ediblər: “Sifariş edən şəxslərdən yaranan halların nəzərə alınması və müvəqqəti xarakter daşıdığının diqqətə alınması xahiş olunur”.Bu qərarın sıravi vətəndaş üçün nə demək olduğu barədə: Sıravi vətəndaş üçün bu vəziyyət o deməkdir ki, sifariş verdiyiniz məhsulun gömrük bəyannaməsində ən kiçik bir qeyri-dəqiqlik və ya daşıyıcı şirkətin sənədləşmə işindəki boşluq, sizin bağlamanızın həftələrlə anbarlarda gözləməsinə səbəb ola bilər. Eyni zamanda, digər insanların yanlış bəyanatları ucbatından yaranan ümumi yoxlama yükü, qaydalara tam əməl edən dürüst alıcıların da vaxt itirməsi və məhsuluna keç qovuşması ilə nəticələnir. (Qafqazinfo)Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
