Rusiya ABŞ və Ukrayna arasında hansı təhlükəsizlik zəmanətləri üzərində razılaşma əldə edildiyini bilmir.
NOCOMMENT.az xəbər verir ki, bunu Rusiyanın xarici işlər naziri Sergey Lavrov bildirib.
Nazirin sözlərinə görə, Moskva bəyanatlara və ya ictimaiyyət üçün oynanan “ictimai oyunlara” deyil, yalnız real və konkret razılaşmalara diqqət yetirəcək. O vurğulayıb ki, Rusiya tərəfinin danışıqlarda iştirak edən nümayəndələri istənilən formatda ünsiyyəti davam etdirməyə hazırdır və bu sahədə kifayət qədər təcrübəyə malikdirlər.
Lavrov qeyd edib ki, Rusiyanın dəstəklədiyi təhlükəsizlik zəmanətləri 2022-ci ildə İstanbulda Ukrayna tərəfi ilə aparılan danışıqlarda razılaşdırılıb. Onun sözlərinə görə, həmin zəmanətlər təhlükəsizliyin kollektiv və bölünməz xarakterini nəzərdə tuturdu və bu çərçivədə həm Rusiya Federasiyasının, həm də Ukraynanın yerləşdiyi regionun ümumi təhlükəsizliyi təmin olunmalı idi.
Rusiya XİN rəhbəri əlavə edib ki, Qərbin Ukraynaya verdiyi təhlükəsizlik zəmanətləri “keçmiş Ukrayna” ərazilərinin bir hissəsində “Kiyev rejimini” qoruyub saxlamağa yönəlib və bu cür yanaşmanın etibarlı və davamlı sülhün təmin olunmasına çətin ki, xidmət etsin.
Aliyə
