ain.az, 525.az saytından verilən məlumata əsaslanaraq xəbər yayır.
ABŞ, Avstraliya, Danimarka və Birləşmiş Krallıqdan olan bir qrup alim “Astrophysical Journal Letters” jurnalında Corona Borealis bürcündəki ulduzlardan birinin yaxınlığında yerləşən potensial yaşanılabilir planetin kəşfi barədə məqalə dərc edib.
525.az xarici mediaya istinadən xəbər verir ki, bu səma cismi HD 137010 b adlanır və Yer kürəsindən təxminən 146 işıq ili uzaqlıqda yerləşir.
Planet demək olar ki, Yerlə eyni ölçüdədir. Onun radiusu 1.06 Yer radiusudur.
Alimlər yeni kəşf edilən planetin Yerlə daha çox ortaq xüsusiyyətləri olduğunu qeyd edirlər. Lakin planetin ulduzundan Günəşdən aldığı enerjinin yalnız 31%-ni aldığı güman edilir. Buna görə də, üzərindəki temperatur çox güman ki, daha aşağıdır.
HD 137010 b-nin ətrafında dövr etdiyi ulduz Günəşdən nəzərəçarpacaq dərəcədə zəifdir.
Müxtəlif təxminlərə görə, planetin yaşamaq üçün yararlı zonada olma ehtimalı 40-dan 51 faizə qədərdir.
Rəsmi olaraq, HD 137010 b hazırda ekzoplanetlər üçün namizəddir. Statusun 100% təsdiqi üçün planetin növbəti "keçidini" - yəni planetin Yer ilə ulduzu arasında keçdiyi anı, işığın qismən bloklandığı anı gözləmək lazımdır. Bu isə 2026-cı ilin noyabrında baş tutacaq.
ŞAHANƏ
Hadisənin gedişatını izləmək üçün ain.az saytında ən son yeniliklərə baxın.
