"Özbaşına" tikililərin sənədləşdirilməsi qanunla qadağandır. Bunu Daşınmaz Əmlakın Dövlət Kadastrı və Reyestri PHŞ-nin sədri Nigar Alimova 2025-ci il ərzində görülmüş işlər və qarşıda duran hədəflərə dair mətbuat konfransında deyib.
"Bu məsələ həm Mülki Məcəllədə, həm də Torpaq Məcəlləsində açıq şəkildə təsbit olunub. Aidiyyəti qurumlar öz çıxışlarında vətəndaşların bu mövzuda maarifləndirilməsinə xüsusi diqqət yetirirlər. İlk növbədə “özbaşına tikili” anlayışının mahiyyəti düzgün başa düşülməlidir. Özbaşına tikili dedikdə, tikinti normaları və torpaq idarəetməsi haqqında qanunvericiliyin tələbləri pozularaq aparılan tikinti işləri nəzərdə qurum icraedici strukturdur və yalnız mövcud qanunvericilik çərçivəsində fəaliyyət göstərə bilər. Qanunvericilikdə müvafiq tənzimləmə müəyyən edildikdən sonra, həmin tələblərə uyğun şəkildə hərəkət olunur. Hazırkı mərhələdə nə torpaq sahəsinə, nə də tikiliyə dair heç bir sənədi olmayan obyektlərə sənəd verilməsi mümkün deyil.
O vurğulayıb ki, Cəmiyyətə aydın mesaj verilməlidir ki, özbaşına tikinti aparmaq yolverilməzdir.
"Bu cür tikililər sonradan sənədləşdirmə problemləri yaradır, şəhərsalma prinsiplərinə ziddir, infrastrukturun — xüsusilə su, kommunal və digər təminat sistemlərinin qurulmasında ciddi çətinliklərə səbəb olur. Cəmiyyətdə bu anlayış tam formalaşdıqdan, qanunsuz tikililərin sayı minimuma endikdən və bu tendensiya sıfıra yaxınlaşdıqdan sonra, gələcəkdə sənədləşdirmə məsələsinə baxılması mümkündür. Bu halda icraçı qurumlar da müvafiq tənzimləmələrə uyğun fəaliyyət göstərəcək.
O əlavə edib ki, kənd təsərrüfatı təyinatlı torpaqlarda əsaslı tikililərin aparılması ümumiyyətlə qadağandır və bu sahədə istisnalar nəzərdə tutulmur.
Aytac Zeynalova
