Müəllif: Tamara Mustafayeva, Banco.az
UPS bu il işçi qüvvəsini 30.000 nəfər azaltmağı planlaşdırır.
Banco.azxəbər verir ki, ABŞ mərkəzli daşınma şirkəti “United Parcel Service” (UPS) bu il işçi sayını 30 min nəfər azaltmağı planlaşdırdığını açıqlayıb.
UPS-in Maliyyə Direktoru (CFO) Brayan Dayks şirkətin ötən ilin dördüncü rübünə dair maliyyə hesabatını açıqlamasından sonra keçirilən investor konfransında çıxış edib.
“Amazon” çatdırılmalarında həcmin azaldılması prosesi ilə əlaqədar olaraq ümumi əməliyyat iş saatlarını təxminən 25 milyon saat azaltmağı planlaşdırdıqlarını deyən Dayks, 30 min vəzifənin ləğv ediləcəyini bildirib.
Dayks qeyd edib ki, bu il nəzərdə tutulan işçi ixtisarı işdən ayrılmalar və tam ştatlı sürücülər üçün təqdim ediləcək əlavə könüllü ayrılma təklifi vasitəsilə həyata keçiriləcək.
Şirkətin maliyyə hesabatında, həmçinin 2026-cı ilin birinci yarısında bağlanacaq 24 binanın müəyyən edildiyi, ilin ikinci yarısı üçün isə əlavə bina bağlanışlarının nəzərdən keçirildiyi qeyd olunub.
UPS 2025-ci ilin üçüncü rübünə dair maliyyə hesabatında da ötən il ümumilikdə, onlardan təxminən 34 mini əməliyyat işçi qüvvəsi olmaqla, 48 min nəfəri işdən çıxardığını açıqlamışdı.
Bizi sosial şəbəkələrdən izləyin!!
