ÜST-ün məlumatına görə, dünyada məktəb yaşlı uşaq və yeniyetmələrin təxminən hər on nəfərindən biri piylənmədən əziyyət çəkir.
ÜST məktəblərdə sağlam qidalanma ilə bağlı yazılı bəyanat yayıb.

Bəyanatda məktəblərdə sağlam qidalanmanın uşaqların ömürlük qidalanma vəziyyətinin yaxşılaşdırılmasına kömək edə biləcəyi qeyd olunur və məktəb yeməkxanalarında sağlam və qidalı qida və içkilərin təşviq edilməsinə çağırış edilir.

Bəyanatda uşaqlıq dövründə artıq çəki və piylənmənin qlobal miqyasda artması qeyd olunur və əlavə olunur: "Qidalanma çatışmazlığı da davamlı problem olaraq qalır. 2025-ci ildə dünyada məktəb yaşlı hər on uşaq və yeniyetmədən təxminən biri (188 milyon) piylənmə ilə yaşayırdı ki, bu da ilk dəfə çəkisi az olan uşaqların sayını keçib".

Bəyanatda dünyada təxminən 466 milyon uşağın məktəb yeməklərindən istifadə etdiyi qeyd olunur və verilən qidanın qida keyfiyyəti ilə bağlı hələ də məhdud məlumatların mövcud olduğu vurğulanır.

Bəyanatda fikirləri yer alan ÜST-ün baş direktoru Tedros Adhanom Qebreyesus bildirib ki, "Məktəbdə düzgün qidalanma sonrakı həyatda xəstəliklərin qarşısını almaq və daha sağlam uşaqların təhsili üçün vacibdir".

aia.az
Tərcümə şöbəsi

• Uşaq
• Məktəb
• Piylənmə
• Sağlıq