Təranə Qumralın sosial şəbəkədə şok açıqlamalarından sonra mətbuatda FHN naziri Kəmaləddin Heydərovun xalq artisti Niyaməddin Musayevin qızı Röya Musayevanı işdən azad etdiyi barədə xəbər yayılıb. Həmin xəbərdə qeyd olunur ki, bir müddət əvvəl fövqəladə hallar naziri, general-polkovnik Kəmaləddin Heydərovun müvafiq əmrinə əsasən, FHN-nin Sənədlərlə və vətəndaşların müraciətləri ilə iş idarəsində baş məsləhətçi vəzifəsində çalışan Röya Musayeva tutduğu vəzifədən azad edilib. Lakin bu əmrin nə vaxt verildiyi məlum deyil.
İnternetdə araşdırma aparan zaman aydın oldu ki, Röya Musayeva 16 iyun 2025-ci il tarixdə ATV-də "Zaurla günaydın" verilişinə telefonla qatılıb. Həmin verilişdə o deyib ki, artıq ikinci ildir, 2 ildir ki, Kanadada yaşayır və ildə 2-3 dəfə Azərbaycana atasına baş çəkmək üçün gəlir.
İndi ortaya çıxan əsas sual budur: Röya Musayevanın təxminən 2023-cü ildə Kanadaya getdiyini fərz etsək, onun işdən çıxarılması barədə əmr hansı tarixdə verilib???
