Ermənistanda keçiriləcək parlament seçkilərində Respublika Partiyasının baş nazirliyə namizədi onun lideri, Ermənistanın keçmiş baş naziri (1999-2000) olacaq.
KONKRET.az xəbər verir ki, Sarkisyan bunu partiyanın “Facebook” səhifəsində yerləşdirilən videoda açıqlayıb.
“Partiyamız bu məsələ ilə bağlı çoxdan qərar verib və rəsmi olaraq müzakirəyə çıxarılacaq: mən mütləq baş nazirliyə namizəd olacağam və düşünürəm ki, bu, təbiidir. Baş nazirliyə namizəd olmağı xəyal etmirəm”, – deyə Sarkisyan qeyd edib.
Aram Sarkisyan əlavə edib ki, ölkə parlamentində Qərb dəyərlərini tam şəkildə qəbul edən bir qüvvə görmək istəyir.
“Təkcə Rusiyayönlü və balanslaşdırıcı qüvvələr olmasın. İnanıram ki, bu kontekstdə iştirakımız təkcə bizim üçün deyil, həm də ölkə, dövlət üçün faydalıdır və yeni yaradılmış hökumət üçün müəyyən tədbirlər görmək baxımından faydalı olacaq”, – Sarkisyan qeyd edib.
Xatırladaq ki, parlament seçkiləri 7 iyun 2026-cı il tarixinə təyin edilib.
(yeni sabah)
