26 yanvar tarixində qeyd olunan Beynəlxalq Təmiz Enerji Günü iqlim dəyişikliyi ilə mübarizənin gücləndirilməsi, karbon emissiyalarının azaldılması və davamlı enerji keçidinin sürətləndirilməsi məqsədi daşıyır. Bu gün bərpa olunan enerji mənbələrindən istifadənin əhəmiyyətini ön plana çıxararaq cəmiyyəti daha məsuliyyətli enerji seçimlərinə təşviq edir.
Beynəlxalq Təmiz Enerji Günü BMT-nin Baş Assambleyası tərəfindən insanların və planetin rifahı naminə təmiz enerjiyə ədalətli, inklüziv və davamlı keçid üçün qlobal maarifləndirmə çağırışı kimi təsis edilmişdir.
Enerji sosial-iqtisadi inkişafın əsas hərəkətverici qüvvəsidir. Nəqliyyat, sənaye, ticarət, binalar və infrastrukturun fəaliyyəti, suyun paylanması və qida istehsalı birbaşa enerji resurslarından asılıdır. Enerjidən səmərəli və məsuliyyətli istifadə ətraf mühitin qorunmasına töhfə verməklə yanaşı, gələcək nəsillər üçün daha təhlükəsiz və davamlı həyat şəraitinin yaradılmasını mümkün edir.
Təmiz enerji — sağlam planet, dayanıqlı iqtisadiyyat və davamlı gələcək deməkdir.
