Ukraynadakı münaqişənin həlli üçün sülh planına ölkənin 2027-ci il yanvarın 1-də Avropa İttifaqına daxil olması ilə bağlı bənd daxil edilə bilər.
Newscenter.az TASS-a istinadən bildirir ki, bunu Serbiya prezidenti Aleksandr Vuçiç deyib.
“Planlardan biri Ukraynanın 1 yanvar 2027-ci ilə qədər Aİ üzvü olmasını nəzərdə tutur. Əgər onlar daha çox qətllərin qarşısını almaq istəyirlərsə, Ukrayna Aİ-də olmalıdır, lakin bəzi Aİ üzv dövlətləri bununla razılaşmayacaqlar”, - deyə Vuçiç bildirib.
Daha əvvəl Britaniyanın "Financial Times" qəzeti ABŞ-ın təqdim etdiyi Ukrayna sülh müqaviləsinin 1 yanvar 2027-ci ilə qədər Avropa Birliyinə qoşulmağı nəzərdə tutduğunu bildirmişdi. Orada qeyd olunurdu ki, Brüssel Kiyevin istəklərini dəstəkləyir, baxmayaraq ki, Aİ-yə belə sürətli qəbul birlik üçün qoşulma prosedurlarının yenidən yazılması demək olardı.
Aİ-yə qəbul danışıqları namizəd ölkənin bütün qanunvericiliyini Aİ qanunvericiliyinə uyğunlaşdırmağa yönəlib. Bu danışıqlar adətən 10 ildən çox davam edir və bu proses üçün heç bir ciddi çərçivə yoxdur. Məsələn, Türkiyə Aİ-yə qəbul danışıqlarına 2005-ci ildə başlayıb.
Anar
