ABŞ Prezidenti Donald Tramp NATO qüvvələrinin Əfqanıstandakı fədakarlıqlarını kiçildən açıqlamalarına görə, bu həftə ərzində davam edən ciddi narazılıqlardan sonra şənbə günü Britaniya hərbçilərini tərifləyib.
APA xəbər verir ki, bu barədə CNN məlumat yayıb.
“Böyük Britaniyanın MÖHTƏŞƏM və çox CƏSARƏTLİ əsgərləri həmişə Amerika Birləşmiş Ştatları ilə birlikdə olacaq!” – deyə Tramp Truth Social platformasında yazıb.
“Əfqanıstanda 457 nəfər həlak oldu, bir çoxu ağır yaralandı və onlar bütün döyüşçülərin rütbəcə böyükləri sırasında idi. Bu elə bir bağdır ki, heç vaxt qırıla bilməz. Böyük Britaniya ordusu, böyük ürək və ruhla, heç kimdən geri. Hamınızı sevirik və həmişə sevəcəyik!” - – deyə o əlavə edib.
Bu paylaşım Trampın NATO qüvvələrinin Əfqanıstandakı rolunu kiçildən fikirlərinə qarşı sərt reaksiyalardan sonra gəlib. Prezidentin bu açıqlamaları NATO-dakı ABŞ müttəfiqlərini narazı salıb.
Britaniyanın Baş naziri Kir Starmer və münaqişədə xidmət etmiş Şahzadə Harri də daxil olmaqla bir çox şəxs bu fikirləri tənqid edib. Starmer açıqlamaları “təhqiredici və açıq şəkildə dəhşətli” adlandırıb.
Qeyd edək ki, daha sonra Starmer Trampla telefon danışığında bu məsələni qaldırıb. Dauninq Stritin nümayəndəsi bildirib ki, tərəflər danışıq zamanı “Əfqanıstanda çiyin-çiyinə vuruşan, bir çoxu evinə qayıtmayan cəsur və qəhrəman britaniyalı və amerikalı əsgərlər” mövzusunu müzakirə ediblər.
