UEFA Çempionlar Liqasının 7-ci turunun “Qarabağ” – “Ayntraxt” oyunundan (3:2) sonra qonaq komandanın məşqçisi Dennis Şmidt jurnalistlərin suallarını cavablandırıb.
Publika.az xəbər verir ki, almaniyalı mütəxəssis əvvəlcə görüşlə bağlı fikirlərini bildirib
– Çox qaçmalı olduq. Tez qol buraxdıq. Qələbə qazanmaq istəyirdik, tez qol buraxdıq, amma buna reaksiya verdik. Hesabı bərabərləşdirəndən sonra oyuna tarazlıq gəldi. İki komandanın da şansları var idi. İkinck hissədə “Qarabağ” pressinq edirdi. Önə keçsək də, tez hesabı bərabərləşdirdilər. 2:2-dən sonra “Qarabağ” yenidən təzyiqi artırdı. Fərdi mübarizələrdə uduzduq. Bu matçı təhlil edib, nəticə çıxaracağıq.
– Bu mövsüm ən çox qol vuran və buraxan komandasınız. Belə çətin vəziyyətdə Çempionlar Liqasında debüt etmək, bugünkü oyundan məğlubiyyətlə ayrılmaq gələcəyinizə necə təsir edəcək?
– Klubda qalacağam. Məsələ atdığımız addımlar, buraxdığımız səhvlərdir ki, araşdırmalıyıq. Gələcəkdə daha yaxşı oyunlar göstərməliyik.
