“Beşiktaş”ın yarımmüdafiəçisi Demir Ege Tıknaz karyerasını Portuqaliyada davam etdirəcək.
Apasport.az xəbər verir ki, türkiyəli futbolçu “Braqa”ya transfer olunub.
Bu barədə klubun mətbuat xidməti məlumat yayıb.
“Qara qartallar” 21 yaşlı yarımmüdafiəçinin satışından 7 milyon avro gəlir əldə edib. Bundan əlavə, futbolçunun gələcək satışından “Beşiktaş”a 20 faiz pay ödəniləcək.
Demir Ege Portuqaliya klubu ilə 2030-cu ilin yayına qədər nəzərdə tutulan müqaviləyə imza atıb.
Qeyd edək ki, Türkiyə U-21 millisinin üzvü bu mövsüm İstanbul təmsilçisinin heyətində iştirak etdiyi 17 rəsmi oyunda 1 qol və 1 məhsuldar ötürmə ilə yadda qalıb.
“Beşiktaş”ın yetirməsi Portuqaliya klubunda
Alonso üçün “Liverpul” variantı
“Aston Villa” İtaliya klubundakı futbolçusunu geri qaytarıb
“İnter”in müdafiəçisi “Əl-Hilal” yolunda
Şimanski “Renn”də - Ödəniləcək məbləğ bəlli olub
