Bild: “Merts Trampla görüşmək istəyir”

AzVision.az xəbər verir ki, belə məlumat yayan Almaniyanın “Bild” nəşri Amerika tərəfinin də buna maraq göstərdiyini yazıb. Lakin görüşün tarixi və yeri hələ müəyyən edilməyib. Almaniya hökumətindəki mənbələrin iddiasına görə, NATO-nun baş katibi Mark Rüttenin də onlara qoşula bilər.

“Danışıqların mümkün strategiyasına gəlincə, Merts çox güman ki, əsas məsələlərdə Trampla razılaşacaq. Hələ yanvarın 18-də Xristian-Demokratlar İttifaqının (XDİ) komitə iclaslarından sonra Almaniya kansleri bildirib ki, onun fikrincə, amerikalılar Uzaq Şimalın hərbi müdafiəsini gücləndirmək zərurətində israr etməkdə haqlıdırlar", - qəzet yazır.

Avropa Trampa cavab hazırlayır

Nəşrin fikrincə, Merts eyni zmanda Trampa başa salmaq istəyir ki, bu, bütün NATO alyansının məsuliyyəti olmalıdır, ona görə də Qrenlandiyada daha çox təlimlər keçirilməlidir.

- Bundan başqa, Mertz təsir imkanlarına - 93 milyard avro dəyərində potensial cavab verə biləcək Avropa İttifaqı (Aİ) tariflərinə malikdir. Almaniya kansleri çətin ki, bununla Trampı birbaşa təhdid. Lakin MertsAvropanın birləşdiyini və Trampın qəti mövqe nümayiş etdirəcəyi təqdirdə parçalanmağa imkan verməyəcəyini açıq şəkildə diqqətə çatdıracaq”, - “Bild” vurğulayır.

Fridrix Merts daha əvvəl ABŞ prezidentinin Almaniya da daxil olmaqla bir sıra ölkələrə yeni tariflər tətbiq etmək təhdidləri ilə əlaqədar yanvarın 21-də Davosda keçiriləcək DİF-də Donald Trampla görüşməyi planlaşdırdığını açıqlamışdı.

Xatırladaq ki, ABŞ DİF-də Trampın rəhbərlik etdiyi300 nəfərlik nümayəndə heyəti ilə təmsil olunur.

Yeri gəlmişkən, bu arada DİF-in müvəqqəti həmsədri, Amerikanın “BlackRock” investisiya şirkətinin baş direktoru Larri Finkin bəyanatına istinad edən “Financial Times” nəşri tədbirin gələcəkdədigər şəhərlərdə keçirilə biləcəyi barədə məlumat yayıb.

Sahil İsgəndərov
AzVision.az