BAKI, 21 yanvar. TELEQRAF
“Azərbaycandan dizel yanacağının idxalı, eləcə də maye qazın mümkün alışı artıq Ermənistanın iqtisadi mühitinə müsbət təsir göstərir”.
Teleqraf xəbər verir ki, bunu Ermənistanın maliyyə naziri Vahe Ovanisyan deyib.
“Azərbaycandan dizel yanacağının idxalı, eləcə də maye qazın mümkün alışı artıq Ermənistanın iqtisadi mühitinə müsbət təsir göstərir. Hazırda investisiya həcmi və ya “Tramp Marşrutu layihəsinin potensial təsiri barədə heç bir məlumatım yoxdur. Çünki bu, layihələndirmə mərhələsində və ya tamamlandıqdan sonra məlum olacaq”, - o vurğulayıb.
