BMT-nin Azərbaycandakı rezident əlaqələndiricisi vəzifəsini müvəqqəti icra edən şəxs İqor Qarafuliç təyin edilib.
"Report" xəbər verir ki, bu barədə BMT-nin saytında bildirilib.
Qeyd edilib ki, o, bu postda 2026-cı il iyulun 1-dək öz vəzifələrini icra edəcək.
BMT-nin Azərbaycandakı keçmiş rezident əlaqələndiricisi Vladanka Andreyeva ölkədəki missiyasını 2026-cı il yanvarın 8-də başa vurub.
İndiki təyinatından əvvəl İ.Qarafuliç müxtəlif illərdə Paraqvayda BMT-nin müvəqqəti rezident əlaqələndiricisi, Peru və Hondurasda BMT-nin rezident əlaqələndiricisi vəzifələrini icra edib.
O, həmçinin BMT-nin İnkişaf Proqramında bir sıra rəhbər vəzifələrdə çalışıb.
