Rusiya prezidentinin xüsusi nümayəndəsi, Rusiya Birbaşa İnvestisiya Fondunun (RFPI) rəhbəri Kirill Dmitriyevin ABŞ prezidentinin nümayəndələri ilə keçirəcəyi görüşdə əsasən iki ölkə arasında iqtisadi əməkdaşlıq məsələlərinin müzakirə olunacağı gözlənilir. Bu barədə politoloq Dmitri Juravlyov “Lenta.ru”ya açıqlamasında bildirib.
Ekspertin sözlərinə görə, Kirill Dmitriyev ixtisasca iqtisadçıdır və diplomat və ya siyasi fiqur deyil. Buna görə də görüş zamanı siyasi mövzular gündəmə gəlsə belə, onlar yalnız iqtisadi məsələlər çərçivəsində müzakirə oluna bilər. Juravlyov vurğulayıb ki, Dmitriyev ABŞ-da yaxşı reputasiyaya malik maliyyəçi kimi tanınır və orada “öz adamları” kimi qəbul olunur.
Qeyd edək ki, daha əvvəl “Reuters” agentliyi Kirill Dmitriyevin yanvarın 20-də Davosda ABŞ nümayəndə heyəti ilə görüşəcəyini yazıb. Axios jurnalistinin məlumatına görə, RFPI rəhbəri ABŞ prezidentinin xüsusi nümayəndəsi Stiven Uitkoff və Donald Trampın kürəkəni, iş adamı Cared Kuşnerlə də görüşəcək.
Məlumata əsasən, görüşdə Ukrayna münaqişəsindən daha çox, iqtisadi əlaqələrin perspektivləri diqqət mərkəzində olacaq.
