"Mançester Siti"nin yarımmüdafiəçisi Rodri İngiltərə Premyer Liqasının 22-ci turunda "Mançester Yunayted"dən aldıqları məğlubiyyəti (0:2) şərh edib.
Fanat.Az xəbər verir ki, ispaniyalı ulduz matçın ardından belə danışıb:
"Çətin gün idi. Əlbəttə, biz çalışdıq. Bəzən rəqib daha güclü olur. Bu gün onların gücü, enerjisi, qələbə istəyi bizimkindən daha çox idi. İstənilən halda, bizi əks-hücumlarda yaxalataraq iki qol vurdular.
Özümü necə hiss edirəm? Artıq hər oyunda meydana çıxmağa hazıram. Gündən-günə gümrahlaşıram. Xoşbəxtəm və hər oyunda meydana çıxaraq komandama kömək etmək istəyirəm".
Nihat
