BAKI, 18 yanvar. TELEQRAF
İraq silahlı qüvvələri əvvəllər ABŞ-nin rəhbərlik etdiyi koalisiya qüvvələrinin istifadəsində olan Ayn əl-Əsəd hava bazasına nəzarəti təmin edib.
Teleqraf xəbər verir ki, bu barədə İraq Müdafiə Nazirliyi məlumat yayıb.
Müdafiə Nazirliyi vurğulayıb ki, Baş Qərargah rəisi təhlükəsizlik vəzifələrinin ötürülməsinə şəxsən nəzarət edir və bazanın ərazisində müxtəlif bölmələrin yerləşdirilməsinə birbaşa nəzarət edir.
ABŞ-ın rəhbərlik etdiyi beynəlxalq koalisiya 2014-cü ildə terror təşkilatlarına, əsasən də həmin yay İraq ərazisinin əhəmiyyətli bir hissəsini ələ keçirən İslam Dövlətinə qarşı mübarizə aparmaq üçün yaradılıb. 2015-ci ildə beynəlxalq koalisiyanın dəstəyi ilə İraq hökumət qüvvələri ekstremistlər tərəfindən işğal edilmiş əraziləri azad etmək üçün genişmiqyaslı əməliyyata başlayıb. 2017-ci ilin dekabr ayında İŞİD İraqda tamamilə məğlub olub.
2020-ci ilin yanvar ayında İraq parlamenti xarici qoşunların ölkədən tamamilə çıxarılmasını tələb edən qətnamə qəbul edib.
