FİFA prezidenti vəzifəyə gəldikdən bəri gəlirlərini kəskin şəkildə artırıb.
QOL.az "Le Monde" nəşrinə istinadən xəbər verir ki, FİFA prezidenti Canni İnfantinonun maaşı təşkilata rəhbərlik etdiyi dövrdə dörd dəfə artıb. Məlumata görə, funksioner təkcə 2025-ci il ərzində 5,27 milyon avro qazanıb.
İnfantino 2016-cı ildə bu postda sələfi Zepp Blatteri əvəzləyib. İsveçrəli funksioner hakimiyyətinin ilk ilində 1,28 milyon avro qazanc əldə etmişdi. Bildirilir ki, İnfantino Qətərdə keçirilən DÇ-2022-nin təşkilinə görə əlavə 1,29 milyon avro bonus da alıb.
Qeyd edək ki, İnfantinonun səlahiyyət müddəti 2027-ci il martın 30-da başa çatır. Daha əvvəl ali futbol qurumu 2016-2019-cu illər aralığını İnfantinonun ilk prezidentlik müddəti kimi saymamaq barədə qərar qəbul edib. Bu isə o deməkdir ki, funksioner 2027-ci ildə yenidən namizədliyini irəli sürə bilər.
