Almaniya parlamentinin (Bundestaq) üzvü, kansler Fridrix Mertsin partiyasından olan Jürgen Hardt səs-küylü açıqlaması ilə diqqət çəkib.
Fanat.Az xəbər verir ki, o, ölkəsi tərəfindən DÇ-2026-nın boykotunu istisna etməyib.
"Die Welt" siyasətçinin açıqlamasını belə təqdim edib:
"Turnirdən imtina etmək ABŞ prezident Donald Trampı Qrenlandiya məsələsində ağlını başına gətirməyə məcbur etmək üçün son çarə kimi qəbul edilə bilər".
DÇ-2026 yayda ABŞ, Kanada və Meksikada keçiriləcək. Mundial 11 iyun - 19 iyul aralığında baş tutacaq.
