İspaniyanın “Real” (Madrid) klubunda məşqçi Xabi Alonso vəzifəsindən azad edilib. Vətəninfo.az xəbər verir ki, bu barədə Sport.ru xəbər yayıb. Alonso, Florentino Peresin 21 ildən çox prezidentliyi dövründə “Real”ın çalışdırdığı onuncu məşqçi olub və vəzifədə bir ildən də az çalışıb.
44 yaşlı məşqçinin istefası, “Barselona”ya qarşı Superkubok oyununda alınan məğlubiyyətin ardından baş verib. Klub La Liqada liderdən cəmi dörd xal geridədir, UEFA Çempionlar Liqasında isə səkkizliyin içində yer alır. Həmçinin “Albasete” ilə İspaniya Kuboku matçı da gözlənilir.
Məlumata görə, Peres Alonsoyu bir sıra səhvlərin məsuliyyətində görüb. İlk narazılıq keçən ilin oktyabrında “Klasiko”da Vinisiusu əvəz etdikdən sonra baş verib. Braziliyalı futbolçu məşqçiyə qarşı sərt etiraz edib, klubu tərk etmək təhlükəsi yaradıb, daha sonra isə bütün komandadan üzr istəsə də, Alonsoya deyil.
Peres Vinisiusun kontraktının hər qiymətə uzadılmasını istəyir və Alonsoyun istefası bu məqsədə xidmət edir. Daha sonra “Real”ın “Rayo Vallecano”, “Elche” və “Girona” ilə oyunlarda zəif futbol nümayiş etdirməsi və ardıcıl heç-heçələr, daha sonra isə evdə “Mançester Siti” və “Selta”ya məğlubiyyət, klub və mətbuat tərəfindən günahkar axtarışını sürətləndirdi. Nəticədə məsuliyyət məşqçiyə düşdü.
Alonso klubda qoyulmuş qaydalara tam uyğun hərəkət etməyib, prezidentə tabe olmamaqla, intizamı gücləndirməklə oyunçular arasında narazılıq yaradıb. Onlar əvvəlki məşqçi Ançelotti dövründə daha sərbəst davranmağa alışmışdılar.
Alonso, vəziyyətini qorumaq üçün daha açıq və zarafatcıl davranmağa başlamışdı, amma artıq gec idi. Xüsusilə, Ciddədə “Barselona”ya qarşı oyun öncəsi Alonso oyunçularına qalib komanda üçün “şan koridoru” yaratmağı təklif etsə də, Kilyan Mbappe təşəbbüsü ələ alaraq komandaya son sözün özündə olduğunu göstərib.
Alonsonun istefası, əsas rəqibə qarşı troyfenin itirilməsi və oyun nəticələrinin əslində bərabər səviyyədə olmasına baxmayaraq baş verdi. Peres komandanın real problemlərini nəzərə almadan Alonsoyu istefaya göndərdi və onun yerinə Arbeloanı təyin etdi.
Ekspertlər bildirir ki, oyunçular üzərində nəzarəti itirən yeni məşqçi Arbeloa üçün iş daha çətin olacaq, çünki Almaniyada çempion olmuş Alonso ilə müqayisədə Arbeloanın təcrübəsi, nüfuzu və hörməti yoxdur.
Yeni təyinat, “Real”ın daxilindəki struktur problemlərini həll etməyə yetməyəcək və komandanın idarə olunması Arbeloa üçün ciddi sınaq olacaq.
