Rusiyanın təriflədiyi hava hücumundan müdafiə sistemləri Venesuelada uğursuzluq yaşadı. ABŞ ordusu Nikolas Maduronu qaçırmaq üçün əməliyyata başlayanda bu sistemlər hətta radarlara belə qoşulmamışdı.
Herbiand.az bildirir ki, bu barədə The New York Times (NYT) qəzeti məlumat yayıb.
Məqalədə qeyd olunur ki, Venesuelanın hava məkanı Pentaqon hücuma başlamazdan çox əvvəl müdafiəsiz olub ki, bu da təəccübə səbəb olub: “Rusiyanın fərəhləndiyi S-300 və Buk-M2 hava hücumundan müdafiə sistemləri ABŞ-ın iki rəqibi olan Venesuela ilə Rusiya arasındakı sıx əlaqələrin güclü bir simvolu olmalı idi. Onların ittifaqı Rusiyaya Qərb yarımkürəsində artan müqavimət imkanı verirdi”.
Lakin mənbələrə görə, Venesuela S-300-ləri saxlaya və istifadə edə bilməyib. Nəşr fotoşəkilləri, videoları və peyk görüntülərini təhlil edərək aşkar edib ki, Amerikanın hücumu zamanı Venesuelanın hava hücumundan müdafiə sistemlərinin bəzi komponentləri işlək vəziyyətdə olmaq əvəzinə hələ də anbarda olub. Buna görə də, aylarla xəbərdarlıqlara baxmayaraq, ölkə Vaşinqtonun əməliyyatına hazır olmayıb.
Görünür, Venesuela ordusunun səriştəsizliyi ABŞ-ın uğurunda mühüm rol oynayıb. Keçmiş rəsmilər və analitiklər Venesuelanın çox təriflənən hava hücumundan müdafiə sistemlərinin “faktiki olaraq işlək vəziyyətdə olmadığını” söyləyiblər. Bəlkə də, onlar illərlə işləməyib.
Bəxtiyar CƏFƏRLİ
