Mütəxəssislər pilləkənlərə qalxarkən nəfəs darlığı hiss edirsinizsə, nələrə diqqət etməli olduğunuzu məsləhət görürlər.
QHT.az xəbər verir ki, pilləkənlərlə qalxarkən nəfəs darlığı bir çox insan üçün normal haldır, çünki bu hərəkət bədənə adi gəzintidən daha çox yük salır. Mütəxəssislər bildirirlər ki, nəfəs 1–2 dəqiqə ərzində normallaşırsa, bu, adətən narahatlıq doğurmur. Lakin nəfəs darlığı uzun müddət davam edərsə və ya əvvəllər olmayıbsa, həkimə müraciət etmək vacibdir. Ürək çatışmazlığı, ağciyər xəstəlikləri, piylənmə, anemiya və siqaret çəkmə bu vəziyyəti ağırlaşdıra bilər. Nəfəs darlığı sinə ağrısı, başgicəllənmə və ya görmə pozuntuları ilə müşayiət olunursa, bu, ciddi xəbərdarlıq əlaməti sayılır.
