Nigeriyanın paytaxtı Abuja yaxınlığında nəzarəti itirmiş bir yük maşını parkinqdə dayanan avtomobillərə çırpılıb və 12 nəfər ölüb.
Nigeriya Milli Yol Təhlükəsizliyi Agentliyinin (FRSC) açıqlamasına görə, dünən yerli vaxtla saat 11:45-də Abuja-Lokoja yolunun Gada Biyu hissəsində sürücüsünün nəzarəti itirdiyi bildirilən kömürlə dolu yük maşını parkinqdəki 3 avtomobilə çarpıb. Nəticədə 12 nəfər ölüb, 3 nəfər isə yaralanıb. Yaralılar müalicə üçün xəstəxanaya çatdırılıb.
Rəsmi şəxslər bildiriblər ki, qəzanın səbəbi sürücünün yüksək sürətlə hərəkət etməsi olub.
