ABŞ Prezidenti Donald Tramp Kubanı "diktatura rejimlərini" dəstəkləməkdə günahlandırıb və Venesueladan neft tədarükünün qarşısını almaqla hədələyib.
Bakıvaxtı.az-ın məlumatına görə, o, bunu "TruthSocial"da yazıb.
Onun sözlərinə görə, uzun illər Kuba Venesueladan gələn külli miqdarda neft və pul hesabına yaşayıb: "Bunun müqabilində Kuba son iki Venesuela diktatoruna "təhlükəsizlik xidmətləri" göstərib, amma indi artıq belə deyil!".
O xatırladıb ki, ötən həftə ABŞ-ın Venesuelaya hücumu zamanı həlak olanların əksəriyyəti kubalılar olub: "Venesuelanın indi dünyanın ən güclü hərbi qüvvəsi olan ABŞ-ın müdafiə etməsi lazımdır və biz də onları müdafiə edəcəyik. Kubaya artıq neft və ya pul daxil olmayacaq - Sıfır! Çox gec olmamışdan əvvəl razılaşma əldə etmələrini tövsiyə edirəm".
