Rusiya ordusunun 51-ci Qvardiyasının "Oxotnik" xüsusi təyinatlı bölməsinin operatorları Kostyantinovkada Ukrayna Silahlı Qüvvələrinin (VSU) texnikalarını vurub.
Publika.az xəbər verir ki, ruslar texnikaları məhv etmək üçün ukraynalıların bir neçə ildir tətbiq etdikləri metodlardan istifadə ediblər. Onlar FPV dronlara tank əleyhinə qumbaralar bağlayaraq onu maşınlara çırpıblar. Əməliyyatın görüntüləri hərbi ekspert Boris Rojin tərəfindən Teleqram kanalında yayılıb.
Onun sözlərinə görə, rus əsgərləri dəqiq zərbələrdən istifadə edərək cəbhə xəttinə doğru hərəkət edən bir neçə Ukrayna Silahlı Qüvvələrinin texnikasını, o cümlədən sursat daşıyan maşınları yandırıblar.
