Niderland millisinin və "Liverpul"un kapitanı Vircil van Deyk karyerasını nə vaxt bitirəcəyi ilə bağlı sualları cavablandırıb.
QOL.az xəbər verir ki, 34 yaşlı müdafiəçi hələlik bu haqda düşünmədiyini deyib:
"Heç vaxt futbolçu karyeramı bitirəcəyimi deməmişəm. Çox irəli baxmıram. Hələ oynamaq üçün bir neçə ilim var, ona görə də karyeramı bitirmək barədə heç nə düşünmürəm. Əsas odur ki, mən xoşbəxtəm, sonra isə hər şey yaxşı olacaq".
Qeyd edək ki, Van Deykin "qırmızılar"la hazırkı müqaviləsi 30 iyun 2027-ci ilə qədərdir.
