Millimizin hücumçusu Renat Dadaşovun çıxış etdiyi Polşanın “Motor” klubu yoxlama oyunu keçirib.
İdmanxeber.az-ın məlumatına görə, komanda “Vola” ilə üz-üzə gəlib. Görüş “Motor”un böyük hesablı qələbəsilə başa çatıb – 5:1.
Azərbaycanlı hücumçu bu matçı kənardan izləyib. Onun adı oyunun iştirak ərizəsinə daxil edilməyib.
Polşa mətbuatı bir müddət öncə Dadaşovun komandaya lazım olmadığını və onun göndəriləcəyini yazıb. Daha öncə hücumçunun “Qarabağ”a təklif edildiyi bildirilsə də, dünən Qurban Qurbanov bu iddiaları təkzib etdi.
