Vrotslav zooparkında qeydə alınan qeyri-adi görüntülər qısa müddətdə internetdə viral olub.
Beləki, Asiyaya məxsus xırda maral növü — muntjak maralının özündən dəfələrlə böyük kərgədana qarşı cəsarətlə irəlilədiyi anlar baş verib.
Hadisə Vrotslav Zooparkı ərazisində baş verib. Zoopark əməkdaşlarının sözlərinə görə, maralın bu davranışı təbii instinktlərlə bağlıdır. Hazırda onun cütündə qızışma dövrü başlayıb və erkək maral gücünü, üstünlüyünü nümayiş etdirməyə çalışır.
Ölçülər arasındakı ciddi fərqə baxmayaraq, muntjak maralının özünəinamla kərgədana tərəf addımlaması sosial şəbəkə istifadəçilərində həm təəccüb, həm də təbəssüm yaradıb
