"Mətbuat yazır ki, kağız formada olan diplom dövrü artıq bitdi. Ölkənin bütün təhsil sənədləri (diplomlar, attestatlar və s.) yalnız rəqəmsal formada veriləcək".
Redaktor.az xəbər verir ki, bunu təhsil eksperti, dosent İlham Əhmədov feysbuk hesabında yazıb.
"Bir vətəndaş bu xəbəri FB-də sensasiya kimi paylaşıb, digər vətəndaş da ona sual edir ki, əgər xakerlər o sistemi çökdürsələr diplomlar necə olacaq?
Mən də bu iki vətəndaşa dedim ki, mübahisə etməyin. Bizim ali təhsil haqda diplomlar heç qardaş Türkiyədə tanınmır, nəinki Avropada. Tanınmayan diplomun kağız və ya elektron versiyada olması nə dəyişəcək? İndi də nazirlik tanınmayan diplomların datasını düzəldəcək?".
Aytəkin TOFİQQIZI
