ain.az, Azpolitika.az saytına istinadən bildirir.
2025-ci ildə internet senzurası və internet kəsilmələri reytinqində Rusiya açıq şəkildə liderlik edib.
“AzPolitika” xəbər verir ki, “Top10VPN” mütəxəssislərinin yayımladığı hesabatda belə deyilir.
Onların hesablamalarına görə, 2025-ci ildə Rusiyada internet bağlanmaları ümumilikdə 37.166 saat təşkil edib və demək olar ki, bütün ölkə əhalisinə — 146 milyon nəfərə təsir edib.
Bağlanmaların müddəti baxımından Rusiya ən yaxın rəqiblərindən üç dəfədən çox irəlidədir: Pakistan (11.482 saat), Myanma (9.888 saat) və Ekvatorial Qvineya (8.760 saat). Uzunmüddətli bağlanmalar İraqda (7.685 saat), Albaniyada (7.056 saat), Tanzaniyada (6.966 saat) və Venesuelada (5.952 saat) qeydə alınıb.
Mütəxəssislər Rusiya iqtisadiyyatına bağlanmalardan, mobil internet kəsintilərindən, resurs və sosial media yavaşlamalarından ildə 11,9 milyard dollar (930 milyard rubl) ziyan dəydiyini təxmin edirlər. Bu, reytinqdəki bütün digər ölkələrin ümumi ziyanından (7,8 milyard dollar) çoxdur.
Hesabatda deyilir ki, 2025-ci ildə Rusiyada internetin kəsilməsi dalğası "həm miqyas, həm də texniki mürəkkəblik baxımından görünməmiş bir həddə çatıb". Digər ölkələr müəyyən hadisələrə cavab olaraq məhdud müddətə internetin kəsilməsi ilə qarşılaşsa da, Rusiyada proses sistemli və ümummilli xarakter alıb.
Top10VPN-ə görə, dünya miqyasında internet məhdudiyyətləri 798 milyon insana təsir edib və ümumi iqtisadi ziyan 19,7 milyard dollar təşkil edib.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
