Antalyada təlim-məşq toplanışında olan “Sumqayıt” bu gün ilk yoxlama oyununa çıxacaq.
Msport.az xəbər verir ki, Saşa İliçin rəhbərlik etdiyi kollektiv Macarıstanın “Pakş” klubu ilə üz-üzə gələcək. Oyun Bakı vaxtı ilə saat 16:00-da start götürəcək.
“Pakş” hazırda Macarıstan çempionatında 3-cü yeri tutur.
Qeyd edək ki, “gənclik şəhəri” təmsilçisi Türkiyədə daha 2 yoxlama oyunu keçirəcək. Komanda yanvarın 12-də Serbiyanın OFK, 16-da isə Xorvatiyanın “Osiyek” klubu ilə üz-üzə gələcək.
