Ukrayna Xarici İşlər Nazirliyi təhlükəsizliklə bağlı artan narahatlıqlar səbəbindən öz vətəndaşlarına İranı tərk etməyi tövsiyə edib. Vətəninfo.az xəbər verir ki, bununla bağlı, Ukrayna XİN-nin “Telegram” kanalı məlumat yayıb.
Nazirliyin açıqlamasında bildirilib ki, ölkədən çıxış Tehrandakı “Xomeyni” Beynəlxalq Hava Limanı, eləcə də Ermənistan və Türkiyə ilə sərhəd-keçid məntəqələri vasitəsilə mümkündür.
Xatırladaq ki, dünən ABŞ, Britaniya, Kanada, Hindistan və Avstraliya da öz vətəndaşlarına İrana səyahət etməməklə bağlı rəsmi xəbərdarlıq yayıb.
