42-ci Çin Harbin Beynəlxalq Buz və Qar Festivalı ziyarətçilərini qəbul etməyə başlayıb. Bu il festival “nağıl dünyası” mövzusuna həsr olunub. Dünyanın müxtəlif ölkələrindən gələn heykəltəraşlar qar heykəli müsabiqəsində iştirak etmək üçün Harbin şəhərinə toplaşıblar.
"Yeni Sabah" xəbər verir ki, festival çərçivəsində 400 min kubmetrdən artıq buz və qardan istifadə olunub. Nəticədə bir-birindən fərqli və maraqlı fiqurlar ərsəyə gəlib. Hindistandan gələn komanda ölkənin məşhur memarlıq abidələrindən olan Tac Mahalın buzdan maketini hazırlayıb. Digər bir komanda isə buzdan nəhəng osminoq fiquru yaradıb.
Festival ərazisinə axın edən ziyarətçilər nəhəng buz konstruksiyalarını, qar kompozisiyalarını və donmuş çiçəkləri böyük maraqla izləyiblər.
İlk dəfə 1985-ci ildə keçirilən Harbin Buz və Qar Festivalı hazırda dünyanın dörd ən böyük qar və buz festivalından biri kimi tanınır.
Əsmətxanım
Telegram kanalımız
